Tillandsia bradeana Mez & Tonduz[as Tillandsia bradeana Mez and Tonduz]

Diagnose: —Florifera ad 0,2 m alta, praecedentibus satis validior. Folia utriculatim rosulata, per anthesin extimis paucis exceptis fulgide rubra, decurvata, ad 0,2 m longa et super vaginam 20 mm lata, inde in apicem sensim angustata, minutissime lepidota specie glabra. Scapus brevissimus quidem sed tamen flores ultra foliorum rosulam efferens, densissime foliis omnino iis rosulae aequalibus indutus celatusque. Inflorescentia submultiflora, cyathidiiformis, corymbosa, densissima; bracteis primariis omnino foliaceis flammide rubris, spicas omnino celantibus; spicis ad 25 mm longis, 1-3-floris, evidenter distichis subflabellatis, sessilibus; bracteis florigeris glabris laevibusque, submembranaceis vel subcoriaceis, ovato-ellipticis, vix carinatis, late acutis, quam sepala brevioribus. Flores stricte erecti, e bracteis primariis emergentes, ad 70 mm longi; sepalis posticis inter sese altius quam cum antico connatis, ellipticis, acutis, submembranaceis, glabris, minute venosis, ad 17 mm longis. Petala strictissime tubulose erecta, saturate violacea, quam stamina optime breviora.

Translated by Derek Butcher from: Mez 1935. (protologue) Bromeliaceae (part 1-4) in Engler, A. (ed) Das Pflanzenreich.