Tillandsia cylindrica sensu L.B.Sm.  (non S. Watson 1891)[as Tillandsia cylindrica Wats. (1891).]

Diagnose: —Metralis, robusta. Folia ad 0,35 m longs, super vaginam ad 25 mm lata, inde in apicem subulato-filiformem sensim angustata, rigidula, dense incano-lepidota. Scapus validus, omnino vaginis subinflatis, latissime ovato-ellipticis, in laminas longas angustasque decurvas desinentibus involutus. Inflorescentia myriantha, amplissima late thyrsoidea, 2-pinnata, dense, fere 0,3 m longa, ad 0,2 m diam. metiens; bracteis primariis (laminis inferiorum neglectis) quam spicae multo brevioribus; spicis dense flabellatis, ad 14-floris, late lanceolatis, sessilibus, ad 90 mm longis et 90 mm latis, patentibus vel superioribus suberecto-patentibus; bracteis florigeris dense imbricatis, glabris, nitidis, laevibus vel apicem versus venoso-lineatis, valde carinatis, rigidis, ad 25 mm longis, sepala aequantibus. Flores stricte erecti, ad 45 mm longi; sepalis antico libero posticis ad 7 mm connatis, chartaceis, glabris, laevibus, late lineari-lanceolatis, acutiusculis, ad 25 mm longis. Petala sepalis ad 15 mm longiora, tubulose erecta, quam stamina breviora.

Edited from : Mez 1935. (protologue) Bromeliaceae (part 1-4) in Engler, A. (ed) Das Pflanzenreich.