Tillandsia murorum Mez[as Tillandsia murorum Mez]

Diagnose: — Usque ad 0,25 m alta. Folia nullo modo bulbose rosulata, ad 0,17 m longa, e basi usque ad 20 mm lata, haud distincte vaginata in apicem subuliformi-acutum sensim angustata, rigida, tota lepidoto-grisea. Scapus erectus, brevissimus foliis perlonge superatus, vaginis summis quoque laminas parvas recurvas gerentibus, dorso dense lepidotis involutus. Inflorescentia densissima, subcapitata, 2-pinnatim panniculata, submultiflora, foliis superata, compacta, e spicis valde approximate pinnatim axi insertis omnibus aequalibus composita, usque ad 75 mm longa et 70 mm diam. metiens mihi visa; spicis dense flabellatis, 8-12-floris, omnibus suberectis sibique appressis, sessilibus, ad 40 mm longis et 13 mm latis, lanceolatis, utraque facie convexiusculis, bracteae primarias longe superantibus; bracteis florigeris rigidulis, dorso dense lepidoto-griseis, dense imbricatis, prominulo-venosis, obtuse carinatis, ad 12 mm longis, sepala subaequantibus. Flores erecti, 15 mm longi; sepalis posticis binis medium usque connatis, glabris, apicem anguste rotundatum usque carinatis, 10 mm longis.

Edited from : Mez 1935. (protologue) Bromeliaceae (part 1-4) in Engler, A. (ed) Das Pflanzenreich.