Tillandsia tomasii J.J.Halda[as Tillandsia tomasii J. J. Halda]

Diagnose: —DESCRIPTIO: A simili T. capillaris floribus atro-luteis rotatis, bracteis membranaceis glabris costatis, foliis crassis dense albilepidotis, atropunctatis, margine serrato-dentatis, apice mucronato-peracutis distinguitur. Densissime pulvinata, ad 300 mm diametiens; manifeste caulescens, usque ad 250 mm longa saepissime satis minor, apicem versus ample ramosa. Folia optime disticho-imbricata, apice mucronatim peracuta, usque ad 15 (25) mm longa, omnia optime recurvata et plus minus flexuosa, crasse angulato-subulata, rigida, dense lepidibus magnis tomentella tota cinerea. Scapus nunc brevissimus inter folia summa brevia absconditus nunc brevis ad 10 mm longus nunc raro elongatus usque ad 25 mm metiens, aphyllus, tenuissimus, glaber, plus minus angulatus, stricte pendulus. Flos singulus, strictissime pendulus, pseudoterminalis, basi bractea unica spathacea hyalina, per anthesin sueto glabrata, valde prominenti-venosa, ovata, acuta, ad 8 mm longa; sepalis antico cum reliquis ad 2 mm, posticis inter sese ad 5 mm connatis, coriaceis, glabris, tenuiter prominulo-venosis, subellipticis, acutiusculis, ad 10 mm longis. Corolla tubulosa, ca 15 mm longa, atro-lutea,obtusa, lingulato-obovata, per anthesin rotata. Stamina profunde inclusa, stylum superantia. Capsula 10 mm longa inferne paullo crassior, exocarpis valvis luteis, ab endocarpio purpureo solutis idque superantibus, breviter rostratis. Semina oblonga, brunnea, minuta. PATRIA ET DISTRIBUTIO: Bolivia occidentalis, dept. Potosi; in declivibus petrosis lapidis arenariis in vicinitate urbis Potosi declivium orientalium, ad ca 2950 m s. m.

Edited from : Acta Mus. Richnov., Sect. Natur. 12(2): 57-68. (2005)